程仔放假，可以一齊食個長早餐。佢問我想食Pancakes定English breakfast，我話我想食pancake，但我煎親啲pancakes都好似蠔餅。佢話有點大排檔風格反而特別，仲叫我教佢整。
見天氣唔算好凍，五度左右，早餐過後決定出去走走。我哋去咗行盤栽店，望見啲花花草草，突然醒起屋企有蘿蔔、牛油果同薑。於是我哋又逛逛二手店，買咗幾個花樽。返到屋企整吓盆栽，吸咗陣貓，然後佢煮飯我打掃，就這樣。
浪漫係一束玫瑰花，係燭光晚餐。浪漫都可以係幾塊變種Pancakes、幾個舊花樽，或者係蘿蔔同薑⋯浪漫係柴米油鹽醬醋茶再悶，但我仍然想同你一齊經歷。
平平淡淡咁生活就係最好嘅慶祝了，白色情人節快樂。✨
IG: sis3ter
MeWe: Sis3ter 為何斯德哥爾摩沒有譚仔三哥 by 三家姐
Search